മനുഷ്യന് എന്ത് വേണം?
പത്തു ദിവസങ്ങൾക്ക് ശേഷം ഇന്ന് വീണ്ടും സൈക്കിൾ ചവുട്ടി. ഞാൻ സൈക്കിളിനു വേണ്ടി തയാറാക്കപ്പെട്ടവനാണെന്ന തോന്നലായിരുന്നു. സൈക്കിളിന്റെ ചക്രങ്ങൾക്കു കീഴെ പാത അധികം ഘർഷണം കാട്ടാതെ പിന്നോട്ടോടിപ്പോയി; അതിന്റെ തള്ളലിൽ ഞാൻ മുന്നോട്ടും. തിരക്ക് കുറഞ്ഞ വഴികൾ. മനുഷ്യർ ഭയക്കുന്നുണ്ട് മരണത്തെ. അക്ഷോഭ്യരായി ചിരിച്ചു തന്നെ നിൽക്കുന്ന മരങ്ങൾ. കനകക്കുന്നിലെ കൊടിമരം. സൈക്കിൾ ചവിട്ടുമ്പോൾ, വർത്തമാനകാല രാഷ്ട്രീയ-സാമൂഹിക പരിസ്ഥിതിയെ ഞാൻ ഓർത്തു. ഒരേ ഒരു ചോദ്യം മാത്രം മനസ്സിൽ ആവർത്തിച്ചു വന്നു; മനുഷ്യന് ആത്യന്തികമായി എന്താണ് വേണ്ടത്? ഉത്തരം എനിയ്ക്ക് കാറ്റ് പറഞ്ഞു തന്നു; ഞാനിരിക്കുന്ന വിനീതമായ വാഹനം പറഞ്ഞു തന്നു, നിശബ്ദമായ വഴികൾ പറഞ്ഞു തന്നു. എന്ത് വേണമെന്ന് തോന്നുമ്പോഴും രണ്ടു ചോദ്യങ്ങൾ ചോദിക്കുക; എന്തിനാണിത്, ഇതില്ലാതെ കഴിയാൻ പാടില്ലേ? രണ്ട്, ഇത് കിട്ടിയാൽ അതുകൊണ്ടെന്താണ് ചെയ്യാൻ പോകുന്നത്? ഈ രണ്ടു ചോദ്യങ്ങൾക്കും ഉത്തരമുണ്ടെങ്കിൽ ആ ആഗ്രഹങ്ങൾക്കേ അർത്ഥമുള്ളൂ. പണത്തിനായുള്ള നെട്ടോട്ടം; അധികാരത്തിനായും. ദുഷിപ്പിക്കുന്നതാണ് അധികാരം, സമ്പൂർണ്ണമായ അധികാരം സമ്പൂർണ്ണമായും ദുഷിപ്പിക്കും. പണവും അങ്ങനെയാണ്. പ